|
MELILLA Por Jesús Miguel Sáez Cazorla |
|
| KOKAGUNE | |
 |
Melilla 35º17’ N – 02º56 W kokagune geografikoan dago. Melillako europar hiria Afrikako iparraldean dago, gazteluen gunea deitzen duten ingurunean, Magrebeko ipar-mendebaldean, Garebeko eskualdean. Gareb hitzak sartaldea esan nahi du. Mediterraneoak bustitzen du Melilla, afrikar kontinenteko iparraldeko itsasertzean, aurrez aurre Alboran itsasoaren ertzeko Andaluziako lurrak dituela. Melillako itsasertza bi lurralderen erdian dago kokaturik; izan ere, nabarmen‑nabarmen banatzen ditu honako bi aldeok: batetik, ekialdera, itsasertz laua, are finak dituena; eta bestetik, mendebaldera, itsasertz malkartsua, tarteka kala txikiak eta hondartza bakartuak dituena. |
| MUGAK | |
 |
Melillako udalerria 12,33 kilometro karratuko zirkuluerdi batek osatzen du. El Caminante kanoiarekin tiro eginda atera zen zirkuluerdi horren 2.900 metroko erradioa. Melillak, beraz, 20 kilometro inguruko perimetroa du. Kilometro horietatik 9 itsasaldekoak dira, 11 lurrekoak. Kontuak eginda, 5.181 biztanle ditu kilometro karratu bakoitzeko. |
| KLIMA | |
 |
Mediterranear klima du, eta urtean 19 graduko batez besteko tenperatura. Horregatik, leku aproposa da atari zabalean egon edo aritzeko.
|